"Wish Ko Lang"

Tibok ng puso ko’y biglang bumilis
Anumang gawin ayaw maalis
Kaba sa dibdib na walang kawangis
Tila may hiwagang ninanais.

Di mapigilan, di maiwasan
Itong gumugulo sa aking isipan
Ako kaya’y muling makikipagsapalaran?
O mga gunita’y isang panaginip na lang

Matang nangungusap
Na tulad ng isang alapaap
Mukhang mapang-akit
Na tulad ng isang ibong marikit.

Pinapangarap na makatabi
Pinapangarap na lihim ay masabi
Ngunit saki’y may alinlangan
Na ang ibig sabihin kaya’y walang kahahantungan?


O Zues , bigyan ako ng lakas
Upang pagsamo ko’y maipamalas
Tubig sa ilog na napakagilas
Handang malunod sa pagsintang wagas.

Panimdim ko’y wag sanang mapawi
Kung masawi, lulumbay at mapipighati
Magtiwala na lang at manalangin
Wish ko lang…ako’y mahalin.